Встреча с осенью – УО «Кличевский ГАТК»

Встреча с осенью

Сустрэча з восенню

Зноў восень… Зноў кранае цябе сваімі прыгожымі залацістымі фарбамі. Яны ўсюды гэтыя фарбы: у садзе, у двары, у лесе, у полі.

Асеннім водарам дыхае зямля.  Ен разносіцца па ўсяму наваколлю. А ў душы гучыць асаблівая трапяткая музыка развітвання з летам, з яго светам, цяплом, зелянінай дрэў, траў, лугоў, палеў.

Ласкавая ўсмешка сонца, пяшчотны вецярок, блакітныя казачныя аблокі  яшчэ радуюць нас.

І ты, нібы зачараваны, стаіш і ўслухоўваешся ў гэтыя гукі восені, здзіўляешся, адкуль жа гэта зачараванасць, прыгажосць, легкая журба, роздум пра жыцце, яго сэнс, жыццевыя  прынцыпы. Мабыць, паэтычнае ўспрыманне жыцця,  усяго наваколля дастаецца нам з дзяцінства. Галоўнае, каб чалавек не разгубіў яго на працягу  свайго жыцця.

Хочацца ісці па прыгожай зямлі, захапляцца яе хараством, быць удзячнай  роднай зямельцы за ўсе, што яна дае нам. Хочацца слухаць прыгажуню-восень, душой бачыць нябачнае, каб неасцярожнасцю сваей нікога не пакрыўдзіць.

 

Выкладчык  Влашчанка Галіна Сяргееўна

Оставьте комментарий